أول ما تدخل فى دايرة الـ ٤٠ ومابعدها هتبتدي تستوعب حاجات كتير منها
أول ما تدخل فى دايرة الـ ٤٠ ومابعدها هتبتدي تستوعب حاجات كتير منها ..
١- مشاكلك وازماتك بتحلها لوحدك
٢- معظم وقتك بتحب تقضيه بالقعدة فى البيت
٣- تليفونك دائماً صامت
٤- مبتحبش الرغي في التليفون و بتكتفي برسالة علي واتساب
٥- فنجان القهوة او كوباية الشاى بتاعتك أعظم اختراع في الكون
٦- نايم صاحي بتفكر بس في الناس اللي وراك و التزاماتك و مسؤلياتك
٧- بتعتزل ما يؤذيك بمنتهي الصمت و بدون عتاب
٨- بتحاول تزود في أعمال الخير علشان اللي جاي جايز ميكونش قد اللي راح
٩- مبتحاولش تدخل في مجادلات ومهاترات كتير
١٠- مش فارق معاك حاجة
١١- بتحاول أحيانا تعوض اللي فات
١٢- بتنام قليل
١٣- بتودع ناس كتير كنت عايش معاهم و كبرت وسطهم
١٤- مبتصاحبش اي حد
١٥- بتحاول تسعد نفسك بنفسك مش منتظر حاجه من حد
١٦- شايف اجيال جديدة بتعيد التاريخ قدامك
١٧- بتحاول تبعد عن اى حاجه غلط عشان مش عاوز تشيل شيلة تقيلة قدام ربنا
١٨- بتحاول تسيب بصمه حلوه لحياتك لأنك بتكون حاسس انك علي وشك الرحيل
١٩- بتحترم سنك وبتشوف تصرفات كتير اصغر منك مع انك جايز كنت بتعملها من قبل كدا
٢٠- شايف كل شيء مكتوب و مقتنع بقضاء الله وقدره
٢١- بتحاول تبر اللي فاضل من أهلك
٢٢- بتحترم العزلة و الهدوء
٢٣- كل حاجة بترد فيها بـ معلش و تريح دماغك
٢٤- قرارك بتاعك أنت بس و رأيك من دماغك
٢٥- بتاكل أي حاجة مبقاش عندك أكلة مفضلة
٢٦- مبتدورش علي الزحمه أو الدخول في مجموعات
٢٧- بتلبس اللي علي مزاجك مش اللي علي مزاج الناس
٢٨- شكواك مع ربنا و بس الناس ملهاش لزمة
تعليقات
إرسال تعليق